By: Aine Grace Bravo/Ariel Solacito | April 7, 2021

ILOILO CITY – 183 ka bag-o nga nag-ayo sa COVID-19 ang na-record sang Department of Health 6 sa Western Visayas kahapon, Abril 6.

Nadugangan man sang 160 new cases kag anum ka bag-o nga nagkalamatay ang rehiyon.

Sa bag-o nga kaso, 152 ang local cases, pito ang Locally Stranded Individuals, kag isa ka APOR.

Sa new cases, 50 ang halin sa Negros Occidental; 49 sa Antique; 20 sa Iloilo province; 15 sa Bacolod City; tag-10 sa Capiz kag Iloilo City; apat sa Aklan; kag duha sa Guimaras.

Bangud sini, ang Western Visayas may 28,374 ka kaso lakip ang 2,131 ka active cases, 25,443 ka total recoveries kag 794 ka mga nagkalamatay bangud sa COVID-19. – via DOH 6