New Lucena Mayor Liecel Seville, nagpositibo sa COVID-19
Iloilo– Ginkumpirmar ni New Lucena Mayor Liecel Seville nga nagpositibo siya sa COVID-19.Suno sa iya, Domingo sang aga, Abril 4 sang gin RT-PCR test siya kag nagguwa ang resulta pagkagab-i.
Ginpahayag ni Mayor Seville nga ginhilanat ang iya nga bana sang Miyerkules, Abril 7.
Bangud sini, nagpa-complete medical examination ang iya bana kag ginpaidalum sa RT-PCR test. Nagguwa ang resulta sang iya nga bana kag nagpositibo sa COVID-19.
Gilayon man nga ginpaidalum sa RT-PCR test si Mayor Seville. Wala sang may nabatyagan nga sintomas si Seville nga naka-quarantine sa ospital umpisa sang Sabado.
Gin-swab naman ang 27 ka mga naka-close contact ni Mayor Seville. Bukas ang munisipyo sang New Lucena magluwas lang sa opisina sang alkalde.Nagpanugyan si Mayor Seville sa mga pumuluyo sang New Lucena nga sundon ang health protocols agud malikawan ang COVID-19. | via Aksyon Mario Gelongo