Iloilo — Ginkumpirmar ni Leganes SB member Larry Labuson nga nag-inquire ang iya pamilya sa National Bureau of Investigation (NBI) sang mga requirements para magpabulig imbestigar sa pagpatay sang motorcycle-riding suspect sa iya bata nga si Carl Dominic, 19, sa Tagbak, Jaro sang Abril 3 sang gab-i.

Suno kay Labuson, nagkadto kaina sang aga, Abril 6, ang iya asawa sa NBI para mag-inquire sang mga kinahanglanon agud magpangayo sang bulig sa imbestigasyon.

Nagpangayo sang kopya sang blotter report kag death certificate ang NBI, suno kay Labuson.

Magluwas, sini nagtanyag man sang P100, 000 nga reward money ang pamilya Labuson sa makatudlo sa mga suspek sa krimen.

Nag-apelar man siya sa publiko nga kun sin-o man ang may ihabalo sa krimen, magpalab-ot lang sang impormasyon sa ila para makabulig sa imbestigasyon kag mahatagan sang hustisya ang kamatayon sang iya bata. — via Angel Mae Ciudad

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply