1 patay, 1 pilason sang naaksidente ang motorsiklo sa Oton
By: Aine Grace Bravo | April 9, 2021
OTON, Iloilo – Patay ang driver sang motorsiklo sang na-aksidente sa Barangay Pakiad, Oton kahapon sang hapon, Abril 8.
Suno kay PCpl Cyril Sañol, imbestigador sang Oton MPS, dead-on-arrival sa ospital si Renato Pico, may pilas sa ulo.
Samtang, may pilas sa nagkalain-lain nga parte sang iya lawas ang backrider nga ginkilala kay Gerald Bantilo.
Papuli na sa gina-obrahan nila sa Pavia ang duha sang natabo ang aksidente.
Suno kay Punong Barangay Elmer Delos Santos sang Pakiad, Oton, madasig ang dalagan sang motorsiklo. – via Angel Mae Ciudad