By: Aine Grace Bravo/Ariel Solacito | April 13, 2021

ILOILO CITY – Naka-record sang 345 ka bag-o nga kaso sang COVID-19 sa Western Visayas kahapon, Abril 12.

Gin-report man sang DOH 6 ang 122 ka bag-o nga recoveries kag apat ka bag-o nga nagkalamatay.

Sa bag-o nga kaso, 256 halin sa Negros Occidental; 42 sa Bacolod City; 23 sa Iloilo province; 10 sa Aklan; walo sa Antique; lima sa Iloilo City; kag isa sa Guimaras. Wala sang bag-o nga kaso sa Capiz.

340 gid sa bag-o nga kaso ang local cases ukon wala sang travel history sa guwa sang rehiyon, apat ang Locally Stranded Individuals (LSIs) kag isa ka APOR.

Bangud sini, nagsaka sa 30,178 ang kabug-usan nga kaso sa Rehiyon 6 – 3,366 ang active cases, 25,999 ang total recoveries kag 807 ang total deaths bangud sa COVID-19. –via DOH 6