Antique Gov. Rhodora Cadiao, nagpabakuna na sang Sinovac COVID-19 vaccine
ANTIQUE – Nakapabakuna na sang first dose sang Sinovac COVID-19 vaccine si Gov. Rhodora Cadiao.
Sa iya Facebook post, ginkumpirmar ni Cadiao ang iya pagpabakuna kaina sang aga, Abril 12.
Antes bakunahan suno kay Cadiao, ginpamangkot gid siya may kaangtanan sa iya ikaayong lawas.
“So, tanan kita ka ria kun ingkaso gusto niyo magpabakuna, especially, mga senior citizens, indi gid kamo magkabalaka. Sigurado gid ang health personnel nga antes mabaton ang ano man nga bakuna, you are ready for it,” suno sa gobernador.
Sang nagligad nga semana, ginlakip sang Department of Health ang anum ka gobernador sa Western Visayas sa Priority Group A1.5 sang COVID-19 vaccination gani pwede na sila nga makapabakuna.