Moratorium sa mga halin NCR Plus, Cebu City kag Davao City pakadto Western Visayas, gin-extend
By: Aine Grace Bravo | April 12, 2021
ILOILO CITY – Gin-aprubahan sang national Inter-Agency Task Force ang request sang mga local chief executives sa Western Visayas nga moratorium sa flights kag trips halin sa NCR Plus, Davao City, kag Cebu City pakadto sa Rehiyon 6.
Base sa statement ni Iloilo City Mayor Jerry Treñas, maga-umpisa sa Abril 13 ang pagpatuman sang extension sa moratorium tubtob sa Abril 19.
Nagtakop ang una nga moratorium sang Abril 10 kag magasugod ang extension sini sa Abril 13 kag magalawig tubtob Abril 19.
Una na ginpabutyag ni Mayor Treñas nga exempted ang mga OFWs sa moratorium. —via Jeremae Ventar