Opisina sang LTO 6, gin-lockdown bangud nagpositibo sa COVID-19 ang 4 frontliner personnel

Iloilo City –‘Gin-lockdown’ ang opisina sang Land Transportation Office 6 bangud nagpositibo sa COVID-19 ang apat ka mga frontliner personnel nila.

Suno kay Ms. Riza Otayde, Spokesperson sang LTO6, ginpakamaayo nga temporaryo nga siraduhan ang ila opisina agud makahimo sang sanitation.

Wala pa sang petsa kun tubtob san-o ang ‘lockdown’.

Naga-isolate na kag lunsay asymptomatic ang mga nagpositibo.Kabahin sang contact tracing ang una nga apat ka mga personnel nga nagpositibo.

Wala sang tul-id nga sabat si Otayde kun himata ukon mga kliyente sa ila opisina ang index case sang mga nagpositibo.

Madamo nga mga personnel sang LTO6 ang ginpa-swab na man kag wala pa sang resulta.Nagpasalig naman ang LTO6 sa mga sa ila opisina nga magahatag sila sang ligwa ukon adjustment sa mga transaksyon. — via Aljohn Torreta