278 new cases sang COVID-19 sa Western Visayas, nadugang sang Abril 13

By: Aine Grace Bravo/Ariel Solacito | April 14, 2021

ILOILO CITY – Nadugangan sang 278 ka bag-o nga kaso sang COVID-19 ang Western Visayas kahapon, Abril 13.

Sa bag-o nga kaso, 159 ang halin sa Negros Occidental; 42 sa Capiz; 32 sa Bacolod City; 13 sa Antique; 12 sa Iloilo City; 10 sa Aklan; 9 sa Iloilo province; kag isa sa Guimaras.

267 gid sa bag-o nga kaso ang local cases ukon wala sang travel history sa guwa sang Rehiyon 6, lima ang returning overseas Filipinos, kag tag-tatlo ang Locally Stranded Individuals kag APOR.

Sa kabug-usan, nagsaka sa 30,456 ang kaso sang COVID-19 sa Rehiyon 6 –3,505 pa ang active cases.

Gin-report man sang DOH 6 ang 137 new recoveries kag tatlo ka bag-o nga nagkalamatay rason nga naglab-ut na sa 26,135 ang mga nag-ayo samtang 810 ang total deaths. – via DOH 6