13-anyos nga dalagita, nagreklamo nga ginhimuslan sang habal-habal driver sa Calinog

ILOILO — Nagreklamo ang 13 anyos nga dalagita nga ginhimuslan sang habal-habal driver sa isa ka barangay sa Calinog sang Abril 13 sang gab-i.

Suno kay Police Staff Sergeant Mae Cerbas sang Women’s and Children’s Protection Desk sang Calinog Municipal Police Station, yara sa balay sang iya utod ang tagreklamo sang ginpahayag ginhimuslan sang habal-habal driver.

Ginsulod siya sang 34 anyos nga habal-habal driver nga ila man lang kasilingan. Ang iya lang pakaisa nga tatlo ka tuig ang kaupod niya sa balay sang natabo ang ginpahayag pagpanghimulos.

Ginahulat pa sang police ang medical certification sang dalagita agud ma-file na ang kaso nga rape batok sa driver.

Preso na ang driver sa Calinog Police Station. | via Aksyon Dave Bucayan