Nagsaka ang presyo sang baboy sa Western Visayas subong nga Abril.

Suno kay Dapartment of Agriculture 6 Director Remelyn Recoter, P235 ang average nga presyo kada kilo sang baboy sang Marso ugaling nagsaka ini sa P255 average price kada kilo.

Na-monitor ang pinakamataas nga presyo sa San Jose de Buenavista sa Antique nga naglab-ut sa P270 kada kilo.
Nagmahal ang presyo sang baboy bangud sa pagsulod sang mga buyers halin sa Manila.

Nagapati naman si Recoter nga mahagan-hagan na ang presyo kun maka-abot na ang supply san g pork products halin sa iban nga pungsod sa pagpirma ni Presidente Rodrigo Duterte sang EO 128.

Ginapanubuan sa amo nga EO ang import taxes sa chilled kag fresh pork agud masolusyunan ang problema sa limitado nga supply sang baboy sa pungsod.

Sa pagtaas sang presyo sang baboy, may posibilidad man nga magataas ang presyo sang manok.
P170 ang average price sang manok kada kilo sa rehiyon sugod sang Pebrero. — via PM Reports

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply