ILOILO CITY — Target sang Iloilo City nga magpasa sang Local Public Transport Route Plan sa sulod sang duha ka semana.

Suno kay City Planning and Development Office head Butch Peñalosa, sang Disyembre, nakapasa sa national government ang syudad sang Transport Route Plan sa bulig sang LTFRB.

Ang plano ang para lang sa mga PUJs kag mini-buses. Sang Enero, ginbalik ang plano para ma-enhance pa gid.

Ginpahayag ni Peñalosa nga ilakip sang syudad ang ruta sang mga tricycle. Ang pag-identify sang ruta sang tricyle ang yara na sa poder sang PSTMO samtang ang data sa prangkisa sang mga tricycle ang halin sa Iloilo City Council.

Ginapasiguro ni Peñalosa ang publiko nga gina-intensify sang syudad ang pagdihon sang plano. Sa Iloilo City, 80% sa masobra 3, 000 tricycle sa syudad ang expired na ang prangkisa.

Sa Joint Memorandum Circular sang DILG-DOTR, ang mga local government units ang ginmanduan nga mag-moratorium sa mga tricycle franchises and applications samtang wala sang Local Public Transport Route Plan.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply