2 patay sang nagbunggo ang motorsiklo sa truck sa Guimbal
By: Aine Grace Bravo | April 20, 2021
GUIMBAL, Iloilo – Patay ang driver kag backrider sang motorsiklo sang nakabunggo sa truck sa Barangay Igcocolo kahapon sang aga, Abril 19.
Ginkilala ang driver sang motorsiklo kay Anthony Alexander kag ang angkas niya nga si Kyle Dela Piedra, pareho nga 18-anyos.
Suno kay PLT Nelson Caro, hepe sang Guimbal Police Station, maliko kuntani pa-wala ang truck nga ginamaneho ni Rogelio Garganza Jr. sang hinali nga nag-overtake ang motorsiklo.
Nagtabog ang driver kag backrider kag nakalampos ang ila ulo sa gutter sang karsada.
Lunsay halin sa Tubungan ang truck kag ang motorsiklo nga pakadto sa banwa sang Guimbal.
Wala sang helmet nga suksok ang duha ka napatay, suno kay Caro.
Gin-custody sa Guimbal Police Station si Garganza. – via Angel Mae Ciudad