292 panimalay sa Bacjawan Sur, Concepcion, Iloilo, ginpaidalum sa surgical lockdown

CONCEPCION, Iloilo – Ginpaidalum sa surgical lockdown ang 292 ka panimalay sa SM Care and Assumpta kag Federal GK Villages sa Barangay Bacjawan Sur, Concepcion subong nga adlaw, Abril 20.

Ini ang gin-anunsyar ni Concepcion Mayor Raul Banias sa iya Facebook post bangud sa na-record nga lima ka kaso sang COVID-19 halin sa isa ka balay.

Ginsuguran na ang mass testing subong nga adlaw kag magapadayon pa gid bwas, Abril 21, paagi sa suporta sang Iloilo Provincial Health Office kag Hospital Management Office.

Nag-request man ang banwa sang suporta halin sa Department of Health 6. Nagapati si Banias nga matapna ang paglapta sang COVID-19 kun magkooperar ang tanan. Nagsugod naman ang distribution sang food packs. – via Raul Banias FB page