By: Aine Grace Bravo/Ariel Solacito | April 20, 2021

ILOILO CITY – Naglab-ut sa 296 ka bag-o nga recoveries sa COVID-19 ang nadugang sa Western Visayas kahapon, Abril 19.

Gin-report man sang Department of Health 6 ang 195 ka bag-o nga kaso kag 11 ka nadugang sa mga napatay.

Nagpanguna gihapon nga may pinakamadamo nga bag-o nga kaso ang Negros Occidental nga may 113; Iloilo province – 39; Bacolod City – 23; Aklan – 9; Antique – anum; kag Iloilo City – lima.

Wala sang bag-o nga kaso sa Capiz kag Guimaras.

Sa kabug-usan ang Western Visayas may 32,348 na ka kaso – 4,263 ang active cases ukon wala pa maka-recover, 27,239 ang total recoveries, kag 840 ang mga nagkalamatay. – via DOH 6