DOH 6, naka-record sang 729 new recoveries sa COVID-19

DOH 6, Iloilo City (April 27, 2021) – Nadugangan sang 729 ka bag-o nga recoveries sa COVID-19 ang Western Visayas kahapon, Abril 26.

Bangud sini, nagsaka sa 28, 961 ang kabug-usan nga nag-ayo sa Rehiyon 6.

Gin-report man sang Department of Health 6 ang 59 new cases kag isa ka bag-o nga napatay.

Sa bag-o nga kaso, 21 halin sa Negros Occidental; 18 sa Bacolod City; 12 sa Iloilo province; apat sa Iloilo City; duha sa Aklan; kag tag-isa sa Antique kag Capiz. Wala naman sang bag-o nga kaso sa Guimaras.

Sa kabug-usan, ang Western Visayas may 34, 143 ka kaso sa diin 4, 320 ang active cases ukon wala pa maka-recover kag 866 ang total deaths bangud sa COVID-19. – via Department of Health 6