Mag-asawa nga naga-obra sa ILECO 2, nasapwan patay sa Pototan

Iloilo — Bangkay na sang nasapwan ang mag-asawa sa ila balay sa Barangay Batuan, Pototan kaina sang aga.

Ginkilala ang mag-asawa nga sanday Christy Ticzon, 39-anyos, kag iya bana nga si Sherwin Ticzon, 43-anyos.

Suno kay Police Staff Sergeant Amando Caporal, imbestigador sang Pototan Police Station, ang utod ni Sherwin ang una nga nakakita sa bangkay sang mag-asawa.

Naga-obra sa Ileco 2 bilang driver si Sherwin samtang sa office naman sang Ileco 2 sa Passi City si Christy.

Base sa nakita sang police, may dugo sa ilong ang bana kag may dugo naman sa baba ang asawa.Ginahibalo pa sang police kun ano ang ginkamatay sang mag-asawa. — via Aksyon Angel Mae Ciudad