POTOTAN, ILOILO — Posible nga nakuryente ang mag-asawa nga patay na sang nasapwan sa Brgy. Batuan, Pototan kahapon, Abril 27. Base ini sa inisyal nga pag-imbestigar sang kapulisan.

Ginkilala ang mag-asawa nga sanday Christy 39 anyos kag Sherwin Ticzon 43 anyos. Suno kay Major. Ciriaco Esquilarga, hepe sang Pototan Police Station, nagatandog sa atop sang balay sang mag-asawa ang main line sang kuryente nga naga-angut halin sa poste.

Sa sige-sige nga pagbag-id sang wiring sa atop mahimo nga nagisi ini. Bangud nag-ulan sang Lunes sang gab-i, posible nga nag-ground ini sa cyclone wire nga kudal.

Indi pa ma-establisar sang police kun sin-o gid sa duha ang una nga nakuryente. Posible suno kay Esquilarga nga gintuyo sang isa nga butungon ang una nga nakuryente kabangdanan nga pati siya ang nakuryente man.

Nakit-an sang utod ni Sherwin ang ila nga bangkay kahapon sang aga malapit sa cyclone wire nga kudal. Naga-obra sa Ileco 2 bilang driver si Sherwin, samtang sa opisina naman sang Ileco 2 sa Passi City si Christy. — via Aksyon Night Patrol

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply