Closure sang dalan sa ginakay-o nga Ungka Flyover sa Pavia, himuon sang apat ka adlaw imbes nga isa ka semana — DPWH

ILOILO CITY — Na-finalize na sang DPWH6 nga pasiraduhan ang portion sang dalan sa gina-ubra nga Ungka Flyover sa Mayo 17 tubtob Mayo 20.

Suno kay Engr Al Fruto, Assistant Regional Director sang DPWH, imbes isa ka semana, himuon na lang apat ka adlaw ang closure bangud masarangan man nga tapuson sang apat ka adlaw ang pag-install sang 24 ka girders.

Ginpahayag ni Fruto nga masugod ang closure halin 7am tubtob 5pm. Padayon naman ang koordinasyon sang DPWH sa City Government kag Pavia LGU. — via Aksyon Jeremae Ventar