Total recoveries sa COVID-19 sa Pilipinas, masobra na 1 million

MANILA – Masobra na 1 million ang total recoveries sa COVID-19 sa Pilipinas sang nadugang ang 4, 227 ka bag-o nga nag-ayo kahapon, Mayo 7.

Base sa case bulletin no. 418 sang Department of Health, 1, 003, 160 ang mga nag-ayo na sa pungsod. Gin-report man sang DOH ang 7, 733 ka bag-o nga kaso kag 108 ka nadugang sa mga napatay.

Bangud sini, yara na sa 1, 087, 885 ang mga natapikan sang COVID-19 sa pungsod sa diin 66, 626 ang active cases ukon wala pa maka-recover kag 18, 099 ang mga nagkalamatay. – via Department of Health