Iloilo City — Gindumili-an ni Mayor Jerry Treñas ang mass gatherings sa sulod sang isa ka semana umpisa kahapon tubtob sa Mayo 19 bangud sa pagdamo sang kaso sang COVID-19 sa syudad.

Base sa ginpagguwa nga executive order no.39-A sang alkalde, strikto nga ginadumilian ang non-essential mass gatherings.

Ginpahanugutan naman sang alkalde ang religious gatherings pero dapat limitado lang sa 30% sang seating capacity.

Wala man ginbawal ni Treñas ang kasal kag bunyag pero 30% lang ang makatambong sa venue ukon 80 lang ka tawo.

Ginpahanugutan man sang alkalde ang hamyang kag funeral services pero dapat indi magsobra sa tatlo ka adlaw kag 30% lang ang pwede makatambong sa venue ukon sa sulod sang simbahan.

Mahimo man nga maka-conduct sang community pantry sa syudad pero kinahanglan nga ipatuman ang physical distancing suno sa alkalde. — via Aksyon Hotline

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply