Transaksyon sa Iloilo Mission Hospital, posible nga ma-delay kasunod sang pagpositibo sa COVID-19 sang pila nila ka mga personnel

ILOILO CITY – Posible nga ma-delay ang mga transaksyon sa Iloilo Mission Hospital bangud sang pagpositibo sa COVID-19 sa pila nila ka mga personnel.

Sa advisory nga ginpagguwa sang ospital, ila ginpahayag nga naka-skeletal duty ang ila nga workforce bilang kabahin sang ila contingency measure.

Ginatinguhaan man sang ospital nga mabalik gilayon sa normal ang ila mga transaksyon nga indi ma-compromise ang safety sang tanan.Wala ginpahayag sang ospital kun pila ka mga personnel ang nagpositibo.

MAY NAGPOSITIBO SA PRIVATE HOSPITAL SUNO KAY MAYOR TREÑAS

Ginbuyagyag naman ni Iloilo City Mayor Jerry Treñas nga may 28 ka personnel sang pribado nga ospital sa siyudad ang nagpositibo sa virus.

Suno sa alkalde, 14 sa amo nga numero ang taga-Iloilo City samtang 14 ang taga-Iloilo Province. Pero wala na ginhingadlan sang alkalde ang ginatumod nga ospital. — via IMH advisory/FiringLine