ILOILO CITY – Nadugangan ang personnel sang Iloilo Mission Hospital nga nagpositibo sa COVID-19.

Suno kay Dr. Florentino Alerta, training consultant sang ospital, 41 ang na-infect nga lunsar nagatrabaho sa ila business office.

Gin-athag ni Dr. Alerta nga wala sang medical frontliners pareho sang doktor ukon nurse nga nagatatap sa mga pasyente ang na-infect gani wala sang dapat nga kabalak-an ang ila mga kliyente

.Sa 41 ka nagpositibo suno kay Dr. Alerta, 35 ang naka-quarantine sa ospital samtang naka-home quarantine ang iban pa 26 sa mga na-infect ang symptomatic pero mild lang, samtang 15 ang asymptomatic.

Una na nga nagpagguwa ang ospital sang advisory nga nagahingyo sang paghangup sa ila mga kliyente bangud sa posible nga delay sa mga transaksyon sa business office.

Ginpabutyag ni Dr. Alerta nga nagapatuman ang ospital sang skeletal duty bilang kabahin sang contingency measures nga indi na madugangan ang mga kaso. —via Aksyon Reports Morning Edition