Ginkumpirmar ni San Enrique Mayor Trexie Fernandez nga peke ang ginsumiter nga S-Pass sang tatlo ka miembro sang pamilya pag-abot nila sa port sa Iloilo City halin sa Cebu kahapon, Mayo 15.

Suno kay Fernandez, ginpahibalo sila nga may taga-San Enrique nga nagpresentar sang peke nga S-Pass bangud wala sang may naguwa nga detalye sang gin-scan sa QR code.

Ginpahayag ni Fernandez nga ginkuha sang LGU ang tatlo kag gindala sa quarantine facility sang banwa.

Sa pagpangusisa sang San Enrique LGU, ginpabutyag sang pamilya nga may nag-assess sa ila kag ginsukot sila sang P500 kabaylo sang S-Pass.

Sa subong, gina-usisa pa ni Fernandez kun matuod ang ginasugid sang pamilya.Ginpasalig sang alkalde nga hibaluan gid nila kun ano gid ang natabu kag hatagan sang nagakaigo nga pagtamod.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply