ILOILO CITY (UPDATED as of 3:52PM) — “If the Ilonggos think she deserves it, why not?” Ini ang reaksyon ni Mayor Jerry Treñas sa impormasyon nga ginakonsiderar sang Iloilo City nga ideklarar persona non grata si social media personality Jam Magno.

Si Jam Magno ang kilala nga kritiko sang Ilongga beauty queen nga si Miss Universe-Philippines 2020 Rabiya Mateo. Siya man ang ginakabig nga pro-government influencer. Ang persona non grata ang isa ka Latin phrase nga buot silingon “unwelcome person”.

Ang pagdeklarar persona non grata ang nakabutang sa 1961 Vienna Convention on Diplomatic Relations.

Base sa DILG Opinion no. 30 series of 2020, ang pagdeklarar persona non-grata ang gina-practice sang mga local sanggunian sa pungsod paagi sa pagpasar sang resolution.

Mahimo makapasar sang resolution nga nagadeklarar persona non grata ang mga local sanggunian bangud ang resolution ang nagapabutyag lang sang sentimyento sang legislative body.

‘MALIIT LANG NAMAN ANG ILOILO, SO WALA AKONG PAKIALAM PATI SA MAYOR NIYO’

Ini ang sabat ni Jam Magno, matapos nag-react sa pahayag ni Mayor Jerry Treñas nga ginakonsiderar sang Iloilo City Government nga ideklarar nga ‘persona non grata’ ang sikat nga social media personality.

Base sa Twitter post ni Magno, nagpahayag siya nga wala siya sang labot sa alkalde sang syudad bangud gamay man lang Iloilo.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply