2 patay lakip ang high ranking CPP-NPA member sang nagserbe sang warrant of arrest ang CIDG 6 sa Pavia; CIDG 6, nanindugan nga nagbato ang mga napatay

Read Time:1 Minute, 32 Second

PAVIA, Iloilo – Patay ang duha ka lalaki sang ginpahayag nagbatu sa mga police sang nagserbe sang warrant of arrest sa ginakabig Regional Level Most Wanted Person sa Rehiyon 6 ang Criminal Investigation and Detection Group (CIDG) 6.

Suno kay Police Lieutenant Colonel Gervacio Balmaceda, chief sang CIDG 6, maserbe kuntani sila sang warrant arrest kay Reynaldo Bocala sa iya kaso nga duha ka murder, destructive arson with physical injury kag destructive arson with frustrated homicide sa Block 71, Providence Subdivision sa Barangay Balabag, Pavia kagab-i, Mayo 28.

Ginpahayag ni Balmaceda nga sang positibo nga yara sa lugar si Bocala, nagpakilala sila nga PNP personnel pero nagpanago ang subject.

Sang liwat sila nga nagpakilala, ginpahayag pa ni Balmaceda, nga una nagpalupok sang pusil si Willy Arguelles Epago kabangdanan nga nagbalos ang kapulisan.

May natabo suno sa iya nga pagtiniruhay nga nagresulta sa kamatayon nanday Bocala kag Epago. Wala sang may napilasan sa bahin sang CIDG6 kag Pavia police.

Si Bocala alyas Bading ang bana ni Maria Concepcion “Concha” Araneta, Deputy Secretary sang KR-Panay.May na-recover nga duha ka .45 caliber, empty shells, assorted cellphones kag subversive documents sa crime scene.

MAY PATONG NGA P4.8 MILLION

P4.8 million ang reward money para sa pagkadakup ni Reynaldo Bocala alyas Bading, ang high-ranking CPP-NPA member nga ginpahayag nagbato sa mga police sang ginserbehan sang warrant of arrest sa Block 71, Providence Subdivision sa Barangay Balabag, Pavia kagab-i, May 28.

Si Bocala ang anay Finance officer sang CPP-NPA, Kilusang Rehiyon Panay Anay Deputy Secretary, Southern Front Committee (SFC), Panay Regional Party Committee (PRPC); anay Secretary, SFC, PRPC; anay Head, Regional Operational Department, PRPC; kag anay Secretary sang PRPC in 2001.

Si Bocala, bana ni Maria Concepcion “Concha” Araneta , ang Deputy Secretary sang KR- PANAY.

I-subject sa autopsy ang bangkay ni Bocala.