47-anyos nga market sweeper, dakup sa drug buy bust operation sa Desamparados, Jaro
Iloilo City – Dakup ang 47-anyos nga lalaki sa drug buybust operation sang PDEA 6 sa Jaro Big Market, Barangay Desamparados, Jaro las-8:45 kahapon sang aga, Hunyo 4.
Nadakpan ang subject nga si Rene Millan matapos gin-report sa ‘Isumbong Mo kay Wilkins’ hotline sang PDEA nga nagabaligya siya sang ilegal nga droga.
Nakuha sa subject ang anum ka sachets sang suspected shabu nga may street value nga P34,000, disposable lighters kag buy bust money nga P1,500.
Ginpanginwala ni Millan nga iya ang mga recoveries suno sa PDEA 6.
‘Market sweeper sa Jaro Big Market’
Ginkumpirmar ni Local Economic Enterprise Head Maricel Mabaquiao nga market sweeper sa Jaro Big Market si Millan kag 12 ka tuig na nga nagatrabaho sa idalum sang LEEO.
Yara na sa kustodiya sang PDEA 6 si Millan kag natalana pasakaan sang kaso sa paglapas sa Dangerous Drugs Act of 2002.– via Aksyon El John Mejia