1 patay, 1 pilason sang nakabunggo ang motorsiklo sa SUV sa Passi City
ILOILO — Patay ang driver kag pilason ang backrider sang motorsiklo sang nakabunggo sa SUV sa National Highway sa Barangay Sarapan, Passi City kahaponm, Hunyo 6.
Gindala pa sa ospital si Eddie Navigar, 27-anyos sang amo man nga lugar apang napatay bangud sang pilas sa ulo samtang gindala naman sa Western Visayas Medical Center ang backrider nga si James Elwyne Palmes nga napilasan sa naglain-lain nga parte sang iya lawas.
Ginpahayag nga paliko na ang SUV nga ginamaneho ni Jason Pierre Laruscain sang nabungguan sang mga biktima.
Wala naman napilasan ang driver sang SUV nga nag-surrender sa Passi City Police Station. — via ARI correspondent Joel Jocson