ILOILO – Malapit 300 ka bag-o nga kaso sang COVID-19 ang na-record sa probinsya sang Iloilo sang Hunyo 5 kag 6, 2021.

Sa data sang Provincial Health Office, 217 ang na-record sang Hunyo 5 kag 78 kahapon.

Nagdala ini sang total cases sa 8,648 sa diin 1,878 pa ang active cases ukon wala pa nag-ayo; 6,569 na ang nag-ayo kag 201 ang napatay.

Nagapanguna sa may pinakamadamo nga kaso ang Passi City nga may 870, ginasundan sang Oton nga may 731, kag Pavia nga may 599.

May pinakamadamo naman nga active cases ang Oton nga may 167, ginasundan sang Pavia -134 kag Passi City -126.

Suno kay Provincial Health Officer Dr. Maria Socorro Quiñon, may mga pasyente nga symptomatic kag madamo sa ila ang critical gani nagapangabay siya sa tanan nga pumuluyo nga magsunod gid sa mga health protocols.

Nagahingyo man siya sang pagbuligay sang tanan agud mahagan-hagan na ang COVID-19 transmission sa probinsya. –via Iloilo PHO