Masobra 41,000 doses sang COVID-19 vaccines, na-administer sa Iloilo City halin sang Marso 2021

ILOILO CITY – Naglab-ut na sa 41,491 doses sang COVID-19 vaccines ang na-administer sa Iloilo City sugod nga nag-umpisa ang rollout sang Marso.

8,296 ka mga indibidwal ang fully vaccinated na, samtang 33,195 ang nabakunahan na sang first dose kag natalana i-skedyul para sa second dose.

Ginpasalamatan ni Mayor Jerry Treñas ang national government sa pag-supply sang mga bakuna samtang ginahulat sang syudad ang ginbakal nga vaccines nga ginalauman maabot subong nga bulan ukon sa Hulyo.

300,000 ka mga residente kag 100,000 ka non-residents nga nagatrabaho sa syudad ang target nga bakunahan sang ginbakal nga AsztraZeneca vaccine sang Iloilo City Government. –via Iloilo City Government