ILOILO CITY – Wala gindayon ni Mayor Jerry Treñas ang pag-appoint kay Councilor Jay Treñas bilang Officer-in-Charge to the Office of the City Mayor.

Suno sa alkalde, maka-monitor man siya sa sitwasyon kag makahatag sang instructions bisan nga nagamasakit siya.

Una na nga ginkwestyun ni former Councilor Joshua Alim kun diin ang vice mayor ukon number one councilor sa syudad matapos nakita sa Facebook post sang alkalde nga gin-appoint niya nga OIC ang iya hinablos nga si Councilor Treñas nga number 4 councilor.

Sa opinion ni DILG 6 Legal Officer Atty. Cedric Jaranilla, automatic nga ang vice mayor, ukon ang highest ranking councilor kun indi available ang vice mayor, ang mangin acting mayor kun nagmasakit ang local chief executive.

Pwede lang maka-appoint sang OIC ang LCE kun may travel siya sa iban nga lugar sa pungsod sa guwa sang iya territorial jurisdiction sa sulod sang tatlo ka adlaw. –via Jeremae Ventar