Bangkay nga nasapwan sa suba sa La Paz sang Hunyo 16, nakilala na

ILOILO CITY – Nakilala na ang bangkay sang lalaki nga naga-utaw utaw sa suba sa Barangay Caingin, La Paz sang Hunyo 16 sang aga.

Suno kay PMAJ Jose Val Ladublan, hepe sang La Paz Police Station, ginkilala sang iya pamilya ang bangkay ni Joeffrey Gamosa, 41-anyos sang Brgy. Sambag, Jaro.

Sa panaysayon sang pamilya, ulihi nila nakit-an si Gamosa sang Hunyo 15 sang gab-i.

Masami suno sa pamilya nga nagatulog sa taytay sa Sambag si Gamosa kun maka-inom. Posible nga natulugan siya sa taytay sang Martes sang gab-i, nahulog kag nalumos.

Nagapati ang pamilya nga wala sang foul play nga natabu. –via Farrah Mae Morano