ILOILO CITY – Nagapabilin sa critical risk ang health care utilization rate sa syudad sang Iloilo as of June 13 base sa pag-monitor sang Department of Health 6.

Suno kay DOH 6 spokesperson Dr. Bea Camille Fillaro-Natalaray, isa ang HCU sa mga parameters kun i-escalate ukon panubuan ang quarantine status sang isa ka syudad ukon probinsya. Ginatakos ang HCU sa numero sang COVID-19 beds kag mechanical ventilators nga ginagamit sa mga ospital.

Ang Iloilo City, suno kay Dr. Natalaray, ang may 85.77% HCU nga makabig na nga critical risk.

67.12% naman ukon moderate risk ang HCU sa Iloilo province.

Sa Iloilo City, 57% sang gina-admit nga COVID-19 patients ang critical cases, suno kay Natalaray, gani malawig ang ila nga pagtenir sa ospital. –via Aksyon Hotline