ILOILO — Nagpabakuna kahapon batok sa COVID-19 ang 106 years-old nga babaye nga si Locela Sobrevega Sobremesana nga tumandok sang Brgy. Cabilauan, New Lucena, apang nagatenir subong sa Javellana, Jaro, Iloilo City.

Suno sa iya bata nga si Nemia, indi pa kun tani magpabakuna ang iya nga iloy apang ginpaathagan niya nga mapabakuna sila kag posible siya matapikan sang virus kun indi siya mabakunahan.

Naghambal suno sa iya ang iya nga iloy nga tawgan kag pangayuan sang opinyon ang iya doctor kun pwede man siya makapabakuna.

Nagpasugot ang doctor sang iya nga iloy gani nagpadulong sila kahapon sa CPU agud magpabakuna.

Ginkumpirmar ni Nemia nga wala man sang malain nga ginbatyag ang iya nga iloy pagkatapos nga ginbakunahan. October 13, 1914 natawo si Mrs. Sobremesana kag manug-107 years-old na subong nga tuig.

Sa pihak sang iya edad, ginpahayag ni Nemia nga mapagsik pa ang iya nga iloy kag nagamatu-mato lang kun magkadto sa CR.

Mahilig man magkaon sang isda kag utan ang iya nga iloy kag talagsa lang nagakaon sang manok ukon baboy. – via Aksyo Night patrol with reports from Aksyon Jorge Cabrera.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply