ILOILO CITY — Indi “missing” ang 17,680 doses sang COVID-19 vaccines nga ginapangita ni Mayor Jerry Treñas.

Paathag ni Dr. Mary Jane Juanico, Head sang Infectious Disease Cluster Unit sang DOH 6, 63,176 doses sang Sinovac vaccine kag 21,440 doses sang AstraZeneca vaccines ang gin-alokar nila para sa syudad as of June 22.

Sa amo nga numero, 13,512 sang Sinovac vaccine kag 4,560 doses sang AstraZeneca vaccines ang direkta nga ginhatag sang DOH 6 sa nagkalain-lain nga ospital para sa first kag second dose, magluwas lang sa AstraZeneca vaccines nga sa Hulyo kag Agosto pa maabot ang second dose.

Sang nagsugod ang vaccination rollout sang Marso, una nga ginhatagan ang mga ospital, suno kay Juanico.

Gin-athag niya man nga napahibalo ang Local Vaccine Operation Center sa idalom sang Iloilo City Government may kaangtanan sa pag-alokar sang mga bakuna sa mga ospital.

Ginpasalig ni Juanico nga wala sang missing nga mga bakuna sa Western Visayas. –via Aksyon Hotline

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply