BREAKING: Former President Benigno “Noynoy” Aquino III, napatay sa edad nga 61

Napatay si former President Benigno “Noynoy” Aquino III sa edad nga 61 subong nga aga, Hunyo 24.

Na-report ang kamatayon ni Aquino pila ka oras matapos siya gindala sa Capitol Medical Center, Inc. sa Quezon City.

Ang kamatayon sang anay presidente ang ginkumpirmar man ni Supreme Court Associate Justice Marvic Leonen paagi sa iya Twitter post.

Wala pa sang kumpirmasyon kun ano ang rason sang pagkapatay sang anay presidente.

Si Aquino nagserbe bilang ika-15 nga presidente sang Pilipinas halin 2010 tubtob 2016.

Siya man ang nangin chairman sang Liberal Party sa amo nga mga tuig.

BACKGROUND

Si former President Aquino ang natawo sang Pebrero 8, 1960 sa Far Eastern University Hospital sa Manila.

Ikatatlo siya sa lima ka kabataan nanday former Sen. Benigno “Ninoy” Aquino kag former President Corazon Cojuangco Aquino. Ang iya mga utod amo kanday Maria Elena (Ballsy), Aurora Corazon (Pinky), Victoria Elisa (Viel), kag ang tv host/actress nga si Kristina Bernadette (Kris). N

akatapos siya sang kurso nga Bachelor of Arts (major in economics) sa Ateneo de Manila University.

CONGRESSIONAL CAREER

Si Aquino ang nagserbe sa House of Representatives halin 1998 tubtob 2007, kag nangin senador halin 2007 tubtob 2010.