Pulis, arestado bangud sa paghampang sang tong-its sa Capiz

Capiz — Arestado ang pulis bangud sang paghampang sang tong-its sa Purok Malinong,Brgy. Poblacion, Sapian sang Hunyo 22.

Sa report sang Regional Internal Affairs Service 6, nadakpan sa akto si MSgt Wilmer Peral upod sa iban pa nga mga sibilyan nga nagahampang sang tong-its.

Na-recover sa area ang set sang playing cards kag kwarta nga P305.

Na-assign si Peral sa Sapian Police Station.Sa kustodiya sang Sapian police si Peral.

Wala pa siya nakahatag sang pahayag.Ginadumilian ang illegal gambling base sa Presidential Decree No. 1602. — via Aksyon Aljohn Torreta