Coastal cleanup, community pantry kag mangrove planting, himuon sang BFP6 bilang community service kasunod sang mandu ni Iloilo City Mayor Jerry Treñas
ILOILO CITY — Ma-conduct sang coastal clean-up, community pantry, kag mangrove planting ang mga personnel sang Bureau of Fire Protection 6 bilang community service.
Kasunod ini sang mandu ni Iloilo City Mayor Jerry Treñas may kaangtanan sa mass gathering event sa Alta Tierra Village sa Jaro.
Suno kay BFP6 Dir. Jerry Candido, tatlo ka mga aktibidad ang ila nga himuon sa isa lang ka adlaw bangud wala man na-specify sa order ni Mayor Treñas kun pila gid dapat ka adlaw ang ila nga pag-community service.
Himuon ang mga aktibidad buwas, Hulyo 8. Las-5:30 ang coastal clean-up sa Sto. Niño Sur, Arevalo nga pasakupan sang 50 ka mga personnel.
Las-6 tubto las-7 sa aga naman ang community pantry nga hiwaton sa Iloilo City Freedom Grandstand. Nag-coordinate sila suno sa iya punong barangay sang Muelle Loney para sa kapin sa 200 ka mga recipients.
Las-5 sa hapon naman, himuon ang mangrove planting sa Brgy. Hinactacan, La Paz.
Ginpahayag ni Dir. Candido nga gin-aprubahan ni compliance team Head Nestor Canong ang ila mga aktibidad. | via Aksyon Night Patrol