Amay sang babaye nga manugbun-ag, nagreklamo bangud wala gilayon gin-atipan sang mga personnel sang ospital; Lapsag, napatay matapos nga ginbun-ag

ILOILO CITY — Nagreklamo ang amay sang manugbun-ag nga babaye bangud wala sila gilayon gin-atender sang mga personnel sang ospital bisan nagapasakit na ang iya bata subong nga gab-i, Hulyo 9.

Suno kay Mr. Judy Navales, una sila nga nagpadulong sa Iloilo Doctor’s Hospital pero wala gin-atipan ang iya nga bata bangud ginrason sang mga personnel nga wala sang bakante nga doctor kag kinahanglan nga ipaidalum anay sa RT-PCR testing ang nagabusong.

Anum pa lang ka bulan ang ginabusong sang iya nga bata.

Naglakat na lang sila agud magpadulong sa Qualimed Hospital sang naglupok ang panubigon sang iya nga bata.

Pero pag-abot nila sa Qualimed Hospital, wala man sila gin-atipan bangud suno kay Navales, wala sang bakante nga doktor rason nga ginpabalik sila sa IDH.

Pagbalik nila sa IDH, nagsinggitan na ang iya asawa nga manugguwa na ang lapsag pero ginpahayag ni Navales nga wala gid sila gilayon gin-atender.

Suno kay Navales, sa salakyan pa lang, nagguwa na ang lapsag kag amo na ang pagkinaran-karan sang mga nurses kag nag-facilitate sa iya nga bata. Nakita pa niya nga mapagsik ang lapsag sang nakaguwa.

10 minutos pa ang nakaligad matapos naguwa ang lapsag sang yara sila sa triage sang ospital antes ginpasulod sa Emergency Room. Sang yara na sa Emergency Room, ginabanta 15 minutos pa sila antes gin-atipan.

Sa latest interview sang Aksyon Radyo Iloilo kay Navales, wala gid natabangan ang lapsag.

Ginatinguhaan pa sang Aksyon Radyo Iloilo nga makuhaan sang statement ang ospital.

About Post Author

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

jomaque@aksyonradyoiloilo.com.ph

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %