Driver sang pick-up nga nakabunggo sa mag-iloy sa Leon, gin-ako nga naka-inom siya sang makahulubog nga ilimnon sang natabo ang aksidente
ILOILO — Gin-ako sang driver sang pick-up nga nakabunggo sa mag-iloy sa Leon sang Hulyo 11 nga naka-inom siya sang makahulubog nga ilimnon sang natabo ang aksidente.
Suno kay Mark Angelo Lipa, 19-anyos sang Barangay Agboy Norte, Leon, tatlo sila nga nag-inum inom sa balay sang iya abyan.
Ginsugid ni Lipa nga wala niya nakita ang babaye nga nagatulod sang bike samtang nagasakay ang iya bata.
Ginrason sang driver nga madiretso kuntani sila sa Leon Police Station pagkatapos sang aksidente kabangdanan madasig ang ila pagpadalagan.
Apang indi na niya ma-manage ang manibela bangud sang kahulugbon tubtob nga nakabunggo sa barrier sang taytay.Dead-on arrival sa Aleosan District Hospital si Emilyn CaƱonero, 25-anyos sang Agboy Sur bangud sang patal nga pilas sa ulo.
Napatay naman las-7:19 sang gab-i ang iya isa ka tuig nga bata nga lalaki.Ginpahayag ni Lipa nga ginhinulsulan niya ang natabo kag Nagapangayo siya sang pasensya sa pamilya sang mga biktima.
Handa man ang driver nga magbulig sa pamilya sang mag-iloy. — via Aksyon BBB