Operasyon sang Peryahan ng Bayan, magapadayon suno sa tagdumalahan

ILOILO CITY – Magapadayon ang operasyon sang Peryahan ng Bayan nationwide, lakip sa Iloilo City kag Iloilo Province.

Ini ang pahayag ni Atty. Bernard Vitriolo, Vice President for Legal Affairs sang Globaltech Gaming and Online Corporation nga operator sang Peryahan ng Bayan.

Suno kay Vitriolo, wala nagbag-o ang Status Quo Ante Order (SQAO) sang Pasig City RTC Branch 161 nga ginpaguwa sang May 17, 2016 bisan ginmanduan na ang Globaltech nga untaton ang ila operasyon sang October 11, 2016 nga ginpaguwa man sang nasambit  nga korte.

Nanindugan si Vitriolo nga ‘final and executory’ ang SQAO kag indi ini mabag-o sang bisan ano nga court order.

April 2, 2014 sang gin-isyu sang Philippine Charity Sweeptakes Office ang Deed of Authority (DOA) sa Globaltech sa diin nationwide ang operasyon sang Peryahan ng Bayan. Apang sang March 2, 2016, gin-terminate sang PCSO ang DOA nga wala sang pahanugot sang Globaltech. –via El John Mejia