Taxi, nagtakilid sa tunga sang karsada sang nabungguans ang jeep sa Taft North, Mandurriao
ILOILO CITY – Nagtakilid sa tunga sang karsada ang taxi nga ginamaneho ni Wilfredo Colendres, 58-anyos sang MV Hechanova, Jaro, sang nabungguan sang jeep nga nagabiyahe Ungka, Jaro sa intersection sa Taft North, Mandurriao.
Sa initial nga imbestigasyon, pakadto sa Ungka ang direksyon sang jeep nga ginamaneho ni Clouie De los Santos, 23, sang MH Del Pilar, Jaro, samtang pakadto naman sa Jaro plaza ang taxi.
Naghingagaw nga maglusot ang taxi sa intersection rason nga nabungguan sang jeep.
Wala naman sang may napilasan sa mga pasahero sang jeep bangud mahinay lang ang pagpadalagan sang driver. Samtang wala man sang pasahero ang taxi.