Utang sang PhilHealth sa mga ospital sa Iloilo City, dako gid nga problema sang siyudad — Mayor Jerry Treñas

ILOILO CITY – Problema gihapon sang Iloilo City ang utang sang Philhealth sa mga ospital sa siyudad.

Ginpautwas ni Mayor Jerry Treñas, “Ang Philhealth may problema gid kita. It is not correct for them not to pay our hospitals because nagapabudlay man para sa hospital nga magkuha additional health personnel because dako sang utang nila sa mga hospitals.”

Suno pa sa alkalde nga kun nagadamo ang COVID-19 patients nga nagasulod sa ospital, nagadako pa gid ang utang sang Philhealth gani nga dapat nila bayaran ang ila utang.

Dako pa kuntani ang mabulig kun mabayaran sang Philhealth ang mga ospital bangud may kinahanglan man sila nga bayaran lakip ang ila mga empleyado.

“Ang isa ka daku nga problema gid naton is really –Philhealth. Philhealth has really to level-up with the hospitals, dapat istoryahan nila ni para ma-resolve. Ako daw kapoy na ko ‘ya sa Philhealth. I have already given the instructions to the lawyers of the city nga padal-an na sila sang final demand letter. Otherwise we will file such actions as maybe necessary including criminal cases against all the employees of Philhealth nga waay sila nagabayad sa aton.

Isa ka dako nga problema – amo ni’ng Philhealth,” pahayag ni Treñas.

Kun makabayad suno sa iya, ang Philhealth sa mga ospital sa siyudad, kuntani maka-demand ang siyudad nga dugangan sang mga ospital ang ila isolation beds kag ICUs. — via Aksyon Firingline

About Post Author

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

jomaque@aksyonradyoiloilo.com.ph

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %