Curfew sa Iloilo City, 9:00PM-4:00AM samtang napaidalum sa ECQ ang siyudad

ILOILO CITY – Maga-epekto subong nga gab-i ang curfew para sa tanan nga pumuluyo sa syudad halin las-nueve sa gab-i tubtob las-kuwatro sang kaagahon.

Base ini sa Executive Order No. 61 series of 2021 nga ginpagguwa ni Mayor Jerry Treñas subong nga adlaw.

Nabutang sa EO nga exempted sa curfew ang mga nagatrabaho sa Business Process Outsourcing (BPO) kag Knowledge Process Outsourcing (KPO), warehouses kag logistics (kag kapareho nga mga negosyo), ports, arrastre, food manufacturing, storage and preservation, hospitals, media, kag kapareho nga mga negosyo kag trabaho nga naga-require sa empleyado nga magtrabaho samtang may curfew hours.