Probinsya sang Iloilo, magapatuman sang border restrictions sa non-essential travel halin sa iban nga probinsya
ILOILO – Plano nga magpatuman ang probinsya sang Iloilo sang travel restriction sa non-essential travel halin sa iban nga probinsiya.
Ini ang resulta sang meeting subong nga hapon, Hulyo 19, sang mga local chief executives sa Region 6.Suno kay Governor Arthur Defensor Jr., magapatuman sang border checkpoints pasulod kag pagguwa sa probinsya.
Indi pagpahanugutan makasulod sa border sang Iloilo ang mga non-resident halin sa iban nga probinsya magluwas lang sa APOR, returning residents sang Iloilo, returning overseas Filipinos.
“Buot silingon [ang] non-essential travel gid ang aton ginapunggan nga magtiyog sa Panay kag sa Region 6. Pero sa probinsiya, wala ‘ya problema, pwede ni ‘ya katiyog diri sa aton o kalibot,” pahayag sang gobernador.
Tinutuyo sa pagpatuman sang border restriction nga malimitahan ang movement sang mga pumuluyo nga nagasulod sa syudad kag probinsya sang Iloilo.
Gina-finalize pa ni Defensor ang mga requirements bag-o ipatuman ang border restrictions kag natalana nga magpagguwa sang Executive Order.
Nahibaluan nga ang Iloilo City kag Iloilo province ang yara sa ECQ status humalin Hulyo 16 tubtob 31. — via Aksyon Mario Gelongo