Maga-demand sang S-pass ang Iloilo Police Provincial Office ukon IPPO sa mga returning residents halin sa Antique, Capiz, kag Aklan nga magasulod sa probinsya sugod Hulyo 22.

Suno kay IPPO Director Gilbert Gorero, magpresentar lang sang hard ukon soft copy sang S-pass kun mag-agi sa border control points pasulod sa probinsiya lakip na ang Dumangas kag Estancia port.

Kinahanglanon nga i-comply sa S-pass dugang ni Gorero ang Notice of Coordination kag identification cards sa mga returning residents halin sa Antique, Capiz, kag Aklan.

Samtang ang magahalin naman nga returning residents sa guwa sang Region 6 partikular sa Manila kag Cebu kag magsulod sa probinsiya, i-require naman sang S-pass kag negative RT-PCR Test result.

Ginhugtan sang IPPO ang border control points matapos ginpirmahan ni Iloilo Governor Arthur Defensor Jr ang Executive Order No. 263 pagkatapos ginpaidalum sa ECQ ang probinsiya. — via Aksyon Firingline

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply