Lalaki, patay sang nakuryente sa City Proper

ILOILO CITY — Patay ang lalaki sang nakuryente sa atop sang ila balay sa Barangay Veterans Village, City Proper kahapon, Hulyo 24.

Ginkilala ang napatay kay Almond Rey Silvestre nga residente sang amo nga lugar.

Ginkumpirmar sang iya pamilya nga dead-on-arrival sa ospital si Silvestre.

Una na ginpahayag sang iya himata nga nagsaka sa ikatlo nga panalgan sang ila balay si Silvestre kag nagpahayag nga may kay-uhon lang siya.

Pero nakibot lang ang pamilya niya sang may naglupok kag may nagsinggit nga nakuryente ang lalaki.

Ginabanta 30 minutos pa ang nakaligad antes siya nakuha sa atop sang mga responders bangud mabudlay ang sitwasyon ilabe pa nga nag-ulan. — via Angel Mae Ciudad, PM Reports