HISTORY MADE πŸ‘πŸ‘πŸ‘

Naghimo sang kasaysayan ang Filipina weight lifter nga si Hidilyn Diaz sang nakuha niya ang labing una nga GOLD MEDAL sang Pilipinas sa Olympic Games sa Women’s 55kg Weight Lifting sa nagapadayon nga Tokyo 2020 Olympics.

Nakahakwat si Diaz sang kabug-usan nga 224kg sa duha ka mga category sa nasambit nga kompetisyon.

97kg ang iya nahakwat sa snatch category samtang 127kg naman sa clean and jerk category.

Isa ka puntos lang ang labaw ni Diaz sa nagasunod sa iya nga si Liao Quiyun sang China nga may yara naman sang 223kg nga total lifts.

Ang gold medal nga nakuha ni Diaz ang pinakauna nga bulawan nga medalya nga na-angkon sang pungsod halin sang nagpasakop ang Pilipinas sa Olympic games sang 1924.

Kasunod sang pagdaug ni Diaz, ginpabati man sa labing una nga tiun sa kasaysayan sang Olympics ang national anthem sang Pilipinas.

Gin-ako ni Diaz nga indi mahapos ang iya mga gin-agyan sa pagpasakop sa Olympics nga ginkumplikar pa sang pandemic.

Pero wala ini nangin upang sa iya kadalag-an bangud suno iya, may maayo gid nga plano ang Diyos.

Mabuhay ka Hidilyn Diaz πŸ‡΅πŸ‡­

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply