Naka-detect sang Beta variant sang COVID-19 sa Sta. Barbara, Iloilo.

Ini ang ginkumpirmar ni Sta. Barbara Mayor Rema Somo.

Suno kay Somo, subong nga semana nabaton niya ang report nga may apat ka individual nga natapikqn sang Beta variant pero sang nagligad pa nga bulan pa sila na-infect. Naka-recover na ang duha samtang napatay ang duha.

Lunsay senior citizen na, suno kay Somo ang mga na-infect.

Nag-conduct naman sila sang backtracing kag wala naman sang kabalak-an bangud wala man nakaguwa sa ila nga balay ang mga na-infect.

MGA MAPABAKUNA NAGADAMO NA

Nagadamo na suno kay Mayor Somo ang may luyag nga magpabakuna sang COVID-19 vaccines pero kulang ang mga bakuna.

May pondo man siya nga gin alokar para sa COVID-19 vaccines pero wala pa sila sang otoridad para sa pagbakal sang bakuna.

Suno kay Somo damo ang indi magpabakuna pero sang naglibot sila kag ginpahangop sa mga tawo ang ka importante sang bakuna madamo ang naganyat nga magpabakuna. — via Aksyon Angel Locsin

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply