ILOILO CITY — Palaligban para sa 30-anyos nga lalaki nga first Delta variant case sa Iloilo City kun sa diin niya posible nakuha ang virus.

Suno sa lalaki, naghalong gid siya kag nag-obserbar sang minimum health protocols paagi sa pagsuksok sang facemask kag face shield.

Wala man siya nakagguwa sa Iloilo City rason nga wala siya nakahibalo kun sa diin siya posible nalatnan sang virus.

Ginpahayag sang lalaki nga nakabatyag siya sang pag-ubo, hilanat, kag pagpalanakit sang lawas sa sulod sang duha ka adlaw sugod Hulyo 6.

Sa subong, wala na sang nabatyagan nga sintomas ang 30-anyos nga lalaki sa sulod sang duha ka semana.

Yara sa isolation facility ang lalaki kaupod ang iya asawa kag ila kabataan nga lunsay wala sang nabatyagan.

Panugyan naman sang lalaki sa mga pumuluyo, maghalong, mag-inom sang vitamins kag magpahuway. — via Aksyon Jeremae Ventar

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply